Թրամփը՝ Իրանի հետ արագ համաձայնության գալու մասին

ԱՄՆ նախագահ Դոնալդ Թրամփը հայտարարել է, որ ակնկալում է Իրանի հետ համաձայնության հասնել առաջիկա մեկ ամսվա ընթացքում։ Նրա խոսքով՝ գործընթացը չպետք է երկար տևի և անհրաժեշտ է արագ առաջընթաց։

Սպիտակ տանը լրագրողների հետ զրույցում Թրամփը նշել է, որ գործարքը կարող է կայանալ մոտ մեկ ամսվա ընթացքում՝ ընդգծելով, որ Թեհրանը պետք է արագ համաձայնեցնի բոլոր հարցերը։

Ավելի վաղ Իրանի արտաքին գործերի նախարար Աբբաս Արաղչին հայտնել էր, որ Թեհրանը հույս ունի ԱՄՆ-ի հետ միջուկային գործարքի շուրջ երկխոսության դրական արդյունքների։ Միաժամանակ նա ընդգծել էր, որ Իրանը չի հրաժարվի իր ինքնիշխանության պաշտպանությունից՝ անկախ հանգամանքներից։