«Մորթել գումարտակի հրամանատարներին»․ Լուկաշենկոյի արձագանքը՝ զորավարժություններին

Բելառուսի նախագահ Ալեքսանդր Լուկաշենկոն Մինսկի մերձակայքում գտնվող զորավարժարանում անցկացված կրակային վարժանքների որակը գնահատել է «շատ թույլ» և խոստացել է «կաշիները քերթել, մորթել գումարտակի հրամանատարներին», հայտնում է նախագահի մամուլի ծառայությունը։

Լուկաշենկոն անակնկալ ստուգում է անցկացրել Մինսկի մարզի Բորիսովի շրջանի 227-րդ համակցված զորավարժարանում, որտեղ անցկացվում էին նռնականետերի և ավտոմատ զենքի կիրառման վարժանքներ: Բելառուսի առաջնորդը բացատրել է, որ ցանկանում է անձամբ գնահատել զորքերի մարտական ​​գործողությունների պատրաստվածությունը:

«Դե, եկեք ազնիվ լինենք։ Նրանք կրակում են, տեսնում են թիրախները։  Նրանք, իհարկե, հուզվում են. նախագահը կանգնած է նրանց ետևում։ Ես հասկանում եմ, որ կա որոշակի անհանգստություն։ Դե ինչ, թող այդպես լինի. նրանք որոշ թիրախների հարվածել են, մյուսներին՝ վրիպել», - եզրափակել է հանրապետության ղեկավարը։