Նոր պայմանագիր՝ Աջափնյակում և Նուբարաշենում ճանապարհահատվածների վերանորոգման համար

Երևանի քաղաքապետարանը նոր պայմանագրեր է կնքել ճանապարհաշինական աշխատանքների իրականացման նպատակով։ «Փաստինֆո»-ն գնումների պաշտոնական կայքից տեղեկանում է, որ խոսքը վերաբերում է ճանապարհահատվածների վերանորոգման, ինչպես նաև բակերի, միջբակային ճանապարհների, փողոցների և մայթերի ասֆալտբետոնյա ծածկի նորոգման աշխատանքներին։

 «Երևանի քաղաքապետարանի գործակարգավարական խորհրդակցության ժամանակ քաղաքապետ Տիգրան Ավինյանը հայտարարել էր, թե պատճառը ձմռանը կիրառվող աղի և ավազի մշակումներն են։ Փաստորեն «որակյալ» ասֆալտը չի դիմացել մի փոքրիկ փորձության, իսկ թե որակը որ դեպքում պետք է երևար, պարզ չէ։

Կնքված պայմանագրերից առաջինը Երևանի քաղաքապետարանը ստորագրել է «Տա Շին» ՍՊԸ-ի հետ։ Ըստ փաստաթղթերի՝ ընկերությունը պետք է Աջափնյակ վարչական շրջանում իրականացնի բակերի, միջբակային ճանապարհների, փողոցների և մայթերի ասֆալտբետոնյա ծածկի վերանորոգման աշխատանքներ։ Այդ նպատակով պետական բյուջեից հատկացվել է 94 միլիոն դրամ։

Մյուս պայմանագիրը կնքվել է «Արհովշին» ՍՊԸ-ի հետ։ Վերջինս պարտավորվել է հիմնանորոգել Նուբարաշեն վարչական շրջանի 9-րդ փողոցի վերջնամասում գտնվող փլուզված ճանապարհահատվածը։ Պայմանագրով նախատեսվում է ընկերությանը տրամադրել 85 միլիոն 138 հազար 901 դրամ։

Այսպիսով, միայն նշված երկու պայմանագրերով ճանապարհաշինական աշխատանքների համար նախատեսվում է հատկացնել շուրջ 179 միլիոն դրամ պետական միջոցներ»,– գրում թ լրատվականը: