Թրամփը հայտարարել է Իրանի հետ գործարքի մասին
ԱՄՆ նախագահ Դոնալդ Թրամփը հայտարարել է, որ Իրանի հետ բանակցություններում գրանցվել է զգալի առաջընթաց։ Նրա խոսքով՝ կողմերը մոտենում են լայնածավալ համաձայնության կնքմանը։
Fox Business-ին տված հարցազրույցում Թրամփը նշել է, որ բանակցային գործընթացը շարունակվում է և ունի դրական դինամիկա։ Նա ընդգծել է, որ խոսքը վերաբերում է կարևոր ու խոշոր պայմանավորվածության հասնելուն։
Նախագահը հավելել է, որ քննարկումները ընթանում են ակտիվ փուլում, սակայն այլ մանրամասներ չի ներկայացրել։ Թեհրանի հետ հնարավոր համաձայնության բովանդակության վերաբերյալ լրացուցիչ տեղեկատվություն չի հրապարակվել։
Բանակցությունների ընթացքի և հնարավոր պայմանավորվածության շրջանակների մասին պաշտոնական այլ հայտարարություններ առայժմ չեն հնչել։
