Բրազիլիան չի աջակցի ո՛չ ԱՄՆ-ին, ո՛չ էլ Չինաստանին․ նախագահ

Բրազիլիան մտադիր չէ միանալ Միացյալ Նահանգներին կամ Չինաստանին և արտաքին քաղաքականության մեջ կառաջնորդվի բացառապես իր ազգային շահերով, հայտարարել է նախագահ Լուիս Ինասիո Լուլա դա Սիլվան։

«Ես չեմ ընտրում Չինաստանի և Միացյալ Նահանգների միջև. ես ընտրում եմ այն, ինչը լավագույնն է մեր երկրի համար», - ասել է Լուլան Բուտանտան ինստիտուտում ունեցած ելույթում, որը սոցիալական ցանցերում հեռարձակվել է նախագահի վարչակազմի կողմից։

Քաղաքական գործչի խոսքով՝ Բրազիլիան մերժում է միջազգային հարաբերություններում միակողմանի գերիշխանության տրամաբանությունը և չի ձգտում գերակայության այլ պետությունների նկատմամբ։ Նախագահը ընդգծել է, որ իր երկիրը  հետաքրքրված չէ ո՛չ տարածաշրջանային, ո՛չ էլ համաշխարհային գերիշխանությամբ։

Լուլան նշել է, որ խոշոր տերությունների միջև հակամարտությունների և մրցակցությունների ավտոմատ միացումը չի համապատասխանում Բրազիլիայի շահերին, և արտաքին քաղաքականության որոշումները պետք է հիմնված լինեն պրագմատիկ նկատառումների և ազգային զարգացման օգտին։