Դուրովը քննադատել է ԵՄ առաջնորդներին․ նրանք ունեն շատ ցածր ցուցանիշներ
Telegram-ի հիմնադիր Պավել Դուրովը քննադատել է եվրոպական մի շարք երկրների ղեկավարներին՝ երեխաների համար սոցիալական ցանցերի օգտագործման սահմանափակումներ մտցնելու նախաձեռնությունների համար։
Դուրովի խոսքով՝ Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Քիր Սթարմերը, Գերմանիայի կանցլեր Ֆրիդրիխ Մերցը և Իսպանիայի վարչապետ Պեդրո Սանչեսը, հանդես գալով նման արգելքների օգտին, միաժամանակ ունեն հանրային աջակցության շատ ցածր ցուցանիշներ։
Նրա գնահատմամբ՝ հենց այն պաշտոնյաները, որոնց վարկանիշները ամենացածրն են աշխարհում, առավել ակտիվորեն առաջ են տանում դեռահասների համար սոցիալական ցանցերի սահմանափակումների և «ապատեղեկատվության» դեմ պայքարի գաղափարները։
Դուրովը ընդգծել է, որ նման մոտեցումները չեն լուծում խորքային խնդիրները և կարող են բացասաբար ազդել խոսքի ազատության և թվային միջավայրում երիտասարդների ինքնարտահայտման հնարավորությունների վրա։
