Զելենսկին հայտարարել է նոր հատուկ գործողությունների համաձայնեցման մասին

Ուկրաինայի նախագահ Վլադիմիր Զելենսկին հայտարարել է, որ համաձայնեցրել է Ուկրաինայի Անվտանգության ծառայության (ՍԲՈւ) նոր հատուկ մարտական գործողություններ։

Երեկոյան տեսաուղերձի ընթացքում Զելենսկին հայտնել է, որ մասնակցել է ՍԲՈւ-ի իրականացրած գործողությունների վերաբերյալ զեկույցին, որը ներկայացրել է գեներալ-մայոր Խմարան։ Նրա խոսքով՝ ներկայացված արդյունքները գնահատվել են որպես դրական։

«Այսօր մասնակցել եմ գեներալ-մայոր Խմարայի զեկույցին ՍԲՈւ-ի գործողությունների վերաբերյալ։ Կան լավ արդյունքներ։ Ես համաձայնեցրել եմ նոր մարտական հատուկ գործողություններ»,- նշել է Ուկրաինայի նախագահը։

Զելենսկին չի մանրամասնել, թե կոնկրետ ինչ գործողությունների մասին է խոսքը՝ նշելով, որ նման տեղեկատվությունը հրապարակման ենթակա չէ անվտանգային նկատառումներից ելնելով։