Վստահ եմ, որ բացի Ռուբեն Վարդանյանից մյուս բոլորին ազատ կարձակեն. Արամ Սարգսյան
Ինչ վերաբերում է Բաքվում պահվող հայ ռազմագերիների դատավճռին, վստահ եմ՝ մեզնից ոչ ոք հույս չէր փայփայում, թե ադրբեջանական դատարանը արդարացման վճիռ կկայացնի։ Այս մասին սոցցանցի իր էջում գրել է «Հանրապետություն» կուսակցության նախագահ Արամ Սարգսյանը։
«Անկախ վճռի խստությունից՝ ես վստահ եմ և համոզված, որ, բացի Ռուբեն Վարդանյանից, ում հարցը այլ հարթության մեջ է և առավելապես առնչվում է ՌԴ-ին, մյուս բոլորին ազատ կարձակեն և կարտահանձնեն ՀՀ-ին՝ որպես բարի կամքի դրսևորում, խաղաղության համաձայնագրի ստորագրումից հետո, և տա Աստված, որ այդպես լինի»,- գրել է նա:
