ԱՄՆ-ի և Իրանի միջև լարվածությունը պայթյունավտանգ է Մերձավոր Արևելքի տարածաշրջանի համար. Լավրով
ԱՄՆ-ի և Իրանի միջև աճող լարվածությունը պոտենցիալ պայթյունավտանգ է ամբողջ Մերձավոր Արևելքի տարածաշրջանի համար, հայտարարել է Ռուսաստանի արտաքին գործերի նախարար Սերգեյ Լավրովը։
«Հաշվի առնելով, որ այս իրավիճակը պոտենցիալ պայթյունավտանգ է ոչ միայն Իրանի, այլև ամբողջ Մերձավոր Արևելքի համար։ Այստեղ չափազանց շատ ականներ կան, պատրաստ պայթելու, պարզապես սպասում են, որ դրանց վրա ոտք դնեն», - ասել է Լավրովը RT-ին տված հարցազրույցում։
Նախարարը նաև ընդգծել է, որ Իրանը Ռուսաստանի Դաշնության մտերիմ գործընկերն է, և Մոսկվան «անտարբեր չէ տարածաշրջանում առկա բարդության զարգացման նկատմամբ»։ Ռուսաստանը չի ձգտում միջնորդել Իրանի, Իսրայելի և ԱՄՆ-ի միջև սրվող իրավիճակի կարգավորման գործում, բայց լուրջ մտահոգություն է հայտնել աճող լարվածության վերաբերյալ։
