Դմիտրիևը հայտարարել է Ուկրաինայի հետ բանակցություններում առաջընթացի մասին
Ուկրաինայի հետ խաղաղության համաձայնագրի շուրջ առաջընթաց կա՝ չնայած Մեծ Բրիտանիայից և Եվրոպայից «պատերազմ հրահրողներին»։ Այդ մասին Աբու Դաբիում բանակցությունների արդյունքներն ամփոփելով հայտարարել է ՌԴ նախագահի հատուկ ներկայացուցիչ Կիրիլ Դմիտրիևը։
«Աբու Դաբիում բանակցությունների երկրորդ օրը սկսվել է։ Մենք աշխատում ենք նույն ձևաչափերով, ինչ երեկ՝ եռակողմ խորհրդակցություններ, խմբային աշխատանք»,– նշել է Ումերովը։
Բանակցությունների նախորդ փուլը Աբու Դաբիում տեղի էր ունեցել հունվարի 23-24-ին։
Ինչպես նախորդ հանդիպման ընթացքում, այս անգամ ևս ռուսական պատվիրակությունը գլխավորում է Զինված ուժերի գլխավոր շտաբի գլխավոր վարչության պետ, ծովակալ Իգոր Կոստյուկովը։ Ամերիկյան պատվիրակության կազմում կրկին ընդգրկված են նախագահ Դոնալդ Թրամփի հատուկ բանագնացներ Սթիվ Ուիթքոֆը և Ջարեդ Քուշները։
Հիշեցնենք, որ Ուկրաինան և Ռուսաստանը Աբու Դաբիում ԱՄՆ-ի միջնորդությամբ մեկնարկել են բանակցությունների երկրորդ օրը՝ քննարկելու պատերազմի ավարտի հնարավոր ուղիները։ Reuters-ի փոխանցմամբ՝ այս մասին հայտարարել է ուկրաինացի գլխավոր բանակցող Ռուստեմ Ումերովը։
