Բաքվի դատարանում 19 տարվա ազատազրկման են դատապարտել Մադաթ Բաբայանին

Ադրբեջանի իշխանությունները գերեվարված Մադաթ Բաբայանին 19 տարվա ազատազրկման են դատապարտել։ Այս մասին հայտնում են ադրբեջանական լրատվամիջոցները։

Հիշեցնենք, որ ավելի վաղ դատարանը ԼՂՀ նախկին նախագահներ Արկադի Ղուկասյանին և Բակո Սահակյանին դատապարտել էր 20 տարվա ազատազրկման, իսկ ԼՂՀ նախկին նախագահ Արայիկ Հարությունյանին, Ազգային ժողովի նախկին նախագահ Դավիթ Իշխանյանին, ԱԳ նախկին նախարար Դավիթ Բաբայանին, ԼՂՀ Պաշտպանության բանակի նախկին հրամանատար Լևոն Մնացականյանին և տեղակալ Դավիթ Մանուկյանին՝ ցմահ ազատազրկման։

Արկադի Ղուկասյանի և Բակո Սահակյանի համար նշանակված պատիժը, որը 20 տարվա ազատազրկում է՝ ցմահ ազատազրկման փոխարեն, պայմանավորված է եղել նրանց 65 տարեկանը լրանալով։