Նիդեռլանդների թագուհի Մաքսիման կծառայի հոլանդական բանակում
Նիդեռլանդների թագուհի Մաքսիման կծառայի որպես պահեստազորային հոլանդական բանակում, հաղորդում է RTL Nieuws-ը՝ հղում անելով աղբյուրներին։
Նախատեսվում է, որ թագուհին կանցնի ռազմական պատրաստության ծրագիր, որը ներառում է տեսական և ֆիզիկական պատրաստվածություն։ Նա նաև կսովորի կրակել և քարտեզներ կարդալ։
Միապետի 54-ամյա կինը այս շաբաթ կսկսի կես դրույքով ուսուցումը։ Նիդեռլանդների պաշտպանության նախարարությունը հույս ունի խթանել զինվորական ծառայությունը հոլանդացիների շրջանում։
Նիդեռլանդների թագաժառանգ Ամալիան այս տարվա սկզբին ավարտել է իր հիմնական զինվորական պատրաստությունը և ստացել է կապրալի կոչում։
Նոյեմբերին Նիդեռլանդների պաշտպանության նախարարությունը հայտարարեց ռազմական պահեստազորի ծրագրի մեկնարկի մասին, որի նպատակն է մինչև 2030 թվականը բանակի թիվը հասցնել 100,000-ի։ Հունվարի վերջին նոր կոալիցիոն կառավարությունը կազմող կուսակցությունները հայտարարեցին զինված ուժերի թիվը մինչև 122,000 հասցնելու ծրագրերի մասին։
