Ճապոնիայում առատ ձյան և սառնամանիքի հետևանքով զոհվել է առնվազն 35 մարդ
Ճապոնիայում շաբաթներ շարունակ տեղացած առատ ձյան և սառնամանիքի հետևանքով մահացել է առնվազն 35 մարդ։ Մոտ 400 մարդ վիրավորվել է, որոնցից 126-ը ծանր վիճակում են։
Հրդեհների և աղետների կառավարման գործակալության տվյալներով՝ մահերի և վնասվածքների մեծ մասը տեղի է ունեցել այն ժամանակ, երբ մարդիկ փորձում էին մաքրել իրենց տների շուրջը գտնվող ձյունը։
Ընդհանուր առմամբ տուժել է 15 պրեֆեկտուրա, որոշ շրջաններում ձյան շերտի հաստությունը հասել է մինչև երկու մետրի։ Ասիական երկրի իշխանությունները զգուշացնում են հանրությանը, որ ավելի վատ եղանակային պայմաններ դեռ սպասվում են։
