Աղքատությունը նախկինում ավելի բարձր է եղել․ Թորոսյան
Ծայրահեղ աղքատությունը կազմում է 0.6 տոկոս, իսկ աղքատությունը, որը չափվում է աղքատության միջին գծով, կազմում է 21.7 տոկոս, ԱԺ-ում ասել է ԱՍՀ նախարար Արսեն Թորոսյանը:
«Նախկինում ավելի բարձր են եղել ոչ միայն այս թվի համեմատ, մենք նաև տենդենց ենք տեսնում իջնելու: 2023-ին եղել է 1.1, 2024-ին՝ 0.6, ու վստահ եմ, որ 2025-ին ավելի ցածր է լինելու:
Նույնը աղքատության մասին է՝ ոչ ծայրահեղ՝ 26.5, 24.8, 23.7 և նոր մեթոդաբանությամբ՝ 21.7: Մեր իրականացրած քաղաքականության արդյունքն է սա իհարկե՝ և՛ ներքին, և՛ արտաքին:
Անում ենք բարեփոխումներ բոլոր ուղղություններով, շեշտը դնում ենք աշխատանքի և անհատական ջանքի վրա՝ չմոռանալով մեր քաղաքացիներին, որոնք օբյեկտիվ պատճառներով չեն կարողանում աշխատել»,- նշել է Թորոսյանը:
