Եթե հարձակում տեղի ունենա, մենք կպատասխանենք չափազանց հզոր հակահարձակմամբ․ Արաղչի

Մենք կարևոր դասեր քաղեցինք և արժեքավոր փորձ ձեռք բերեցինք նախորդ պատերազմից։ Այս մասին հայտարարել է Իրանի ԱԳ նախարար Աբբաս Արաղչին։

«Ներկայումս մեր բալիստիկ հրթիռները տեղում են, մեր ուժը մնում է անսասան, մենք վերանայել ենք մեր հիմնական հնարավորությունները և այժմ ավելի լավ ենք պատրաստված։

Սա ամենահստակ ուղերձն է, որը մենք կարող ենք ուղարկել Միացյալ Նահանգներին. եթե հարձակում տեղի ունենա, մենք կպատասխանենք ցնցող, արագ և չափազանց հզոր հակահարձակմամբ»,- նշել է նա։

Խոսելով նաև զոհերի թվի մասին, Արաղչին Իրանում 30,000 մահվան մասին պնդումները սուտ է անվանել։ Պաշտոնական իշխանությունների տվյալներով՝ զոհերի թիվը կազմում է 3,117։