Իրանը պատրաստվում է ամենավատ սցենարին. պաշտոնյա

Իրանի բարձրաստիճան պաշտոնյան Reuters-ին ասել է, որ Իրանը ԱՄՆ-ի ցանկացած հարձակում՝ սահմանափակ թե լայնածավալ, կդիտարկի որպես «համատարած պատերազմ»։

Հրապարակում աղբյուրին հղում անելով՝ նշվում է, որ Իրանի զինված ուժերը գտնվում են բարձր պատրաստվածության վիճակում և պատրաստվում են ամենավատ սցենարին։

Հիշեցնենք` Իրանում բողոքի զանգվածային ակցիաներ են անցկացվում 2025–ի դեկտեմբերի 28-ից։ Դժգոհության հիմնական պատճառները փոխարժեքի տատանումներն են ու գների բարձրացումը։ Սակայն ավելի ուշ Իրանի մի շարք քաղաքներում բողոքի ակցիաները վերաճեցին ոստիկանության հետ բախումների, իսկ կարգախոսները ստացան քաղաքական բնույթ՝ ընդդեմ Իրանում առկա քաղաքական կարգի:

Հունվարի 2-ին ԱՄՆ նախագահ Դոնալդ Թրամփը հայտարարեց, թե ԱՄՆ–ն պատրաստ է պաշտպանել Իրանի քաղաքացիներին, եթե այդ երկրի իշխանությունները ուժ կիրառեն նրանց դեմ: Թեհրանը դատապարտեց այդ սպառնալիքները։