Դատարանաը պարտավորեցրել է Հարություն Մկրտչյանին ներողություն խնդրել Սամվել Կարապետյանից. փաստաբան
«Հանրապետություն» կուսակցության անդամ Հարություն Մկրտչյանը (նա 2025–ի նոյեմբերին Վաղարշապատի ՏԻՄ ընտրություններում կուսակցության քաղաքապետի թեկնածուն էր) պետք է հրապարակային ներողություն խնդրի գործարար, բարերար Սամվել Կարապետյանից վիրավորական արտահայտությունների համար։
«Լոռու մարզի դատարանը մասնակի բավարարել է մեր կողմից ներկայացված հայցադիմումը և պարտավորեցրել է Հարություն Մկրտչյանին վիրավորական արտահայտությունների համար ներողություն խնդրել Սամվել Կարապետյանից։
Դատարանն արձանագրել է, որ Հարություն Մկրտչյանի ֆեյսբուքյան հրապարակման մեջ տեղ են գտել վիրավորանք պարունակող արտահայտություններ, ինչի համար նա պետք է հրապարակայնորեն ներողություն խնդրի։ Վճիռն օրինական ուժի մեջ կմտնի մեկ ամսից»,- գրել է փաստաբան Վարդան Ալոյանը:
