Սիրիայի ՊՆ-ն հայտարարել է երկրի ողջ տարածքում ռազմական գործողությունների լիակատար դադարեցման մասին

Սիրիայի պաշտպանության նախարարությունը պաշտոնապես հայտարարել է երկրի ողջ տարածքում ռազմական գործողությունների լիակատար դադարեցման մասին։

Համաձայն հրապարակված հաղորդագրության՝ որոշումն ընդունվել է նախագահ Ահմեդ ալ-Շարաայի և «Սիրիայի դեմոկրատական ուժերի» (SDF) միջև ձեռք բերված պայմանավորվածության հիման վրա։

«Մենք հայտարարում ենք հրադադարի մասին բոլոր ճակատներում և ռազմական գործողությունների լիակատար դադարեցման մասին հակամարտության բոլոր գոտիներում»,- նշված է նախարարության հայտարարության մեջ։

Այս համաձայնությունը կարևոր քայլ է համարվում երկրում իրավիճակի կայունացման և ներքին բախումների դադարեցման ճանապարհին։

Հիշեցնենք, որ 2026 թվականի սկզբին Սիրիայում տեղի ունեցած քաղաքական փոփոխություններից հետո սա կողմերի միջև ձեռք բերված ամենանշանակալի ռազմական պայմանավորվածությունն է։