Բելառուսից Լեհաստան են մտել մի քանի տասնյակ օդային օբյեկտներ․ BBN

Լեհաստանի Ազգային անվտանգության բյուրոն (BBN) պնդում է, որ Բելառուսից երկիր են մտել մի քանի տասնյակ ինքնաթիռներ։

«Լեհաստանի Հանրապետության նախագահ Կարոլ Նավրոցկին Ազգային անվտանգության բյուրոյի ղեկավար Սլավոմիր Չեցկևիչից իրական ժամանակի տեղեկատվություն է ստանում Բելառուսից մի քանի տասնյակ օբյեկտների գիշերային ներթափանցման ընթացքի և հետևանքների մասին», - ասվում է հայտարարության մեջ։

BBN-ը նշում է, որ «ամբողջ գիշերը հետևել է միջադեպին՝ հավաքելով և վերլուծելով ռազմական և քաղաքացիական հաստատություններից ստացված տեղեկատվությունը»։

Լեհական կողմը չի բացառում, որ սա «մաքսանենգության քողարկված սադրանք» էր։ Ոչ մի ապացույց չի ներկայացվել։

BBN-ը կոչ է անում բոլորին հետևել ոստիկանության և սահմանապահ ծառայության հրահանգներին։

«Եթե հայտնաբերեք որևէ առարկա կամ բեկոր, որը կարող է կապված լինել նկարագրված միջադեպի հետ, մի մոտեցեք նրանց և անմիջապես հայտնեք դրա մասին համապատասխան մարմիններին», - ասվում է հայտարարության մեջ։