Իրանի շուրջ իրավիճակի հնարավոր սրման ֆոնին Իսրայելի բանակը բերվել է բարձր պատրաստվածության վիճակի. ԶԼՄ
Իրանի շուրջ իրավիճակի հնարավոր սրման ֆոնին Իսրայելի անվտանգության և քաղաքացիական ուժերը բերվել են բարձր պատրաստվածության վիճակի։ Այս մասին հաղորդել է «Intelli News» Telegram ալիքը։
Տեղեկացվում է, որ վերջին ժամերին Իսրայելի պաշտպանության բանակը մի քանի ստորաբաժանումներում բարձրացրել է մարտական պատրաստվածությունը։
Միևնույն ժամանակ, ճշգրտվել են ՀՕՊ համակարգի տարրերը։ Մայքլ Շեմեշի խոսքով՝ վերջին 24 ժամվա ընթացքում փոխվել են ՀՕՊ տեղակայման պարամետրերը, այդ թվում՝ «Երկաթե գմբեթ» մարտկոցների տեղակայումը:
Ռազմական միջոցառումներին զուգահեռ, ակտիվացել են նաև քաղաքացիական նախապատրաստությունները։ Իսրայելական հիվանդանոցներին հանձնարարվել է նախապես պատրաստվել արտակարգ գործողություններին։
