ԱԹՍ-ներով հարձակվել են նախագահական նստավայրի վրա. Լավրով

Կիևը անօդաչու թռչող սարքերով հարձակում է սկսել Նովգորոդի մարզի նախագահական նստավայրի վրա։ Այս մասին այսօր հայտարարել է Ռուսաստանի արտաքին գործերի նախարար Սերգեյ Լավրովը։

Նրա խոսքով՝ հարձակումը տեղի է ունեցել դեկտեմբերի 29-ի գիշերը։ Կիևը փորձել է հարձակվել նստավայրի վրա 91 անօդաչու թռչող սարքերով, որոնք բոլորը ոչնչացվել են։ Անօդաչու թռչող սարքերի հարձակման հետևանքով զոհերի կամ ենթակառուցվածքների վնասման մասին հաղորդագրություններ չեն եղել։

Լավրովը վստահեցրել է, որ Ռուսաստանը չի անտեսի ուկրաինական անօդաչու թռչող սարքերի հարձակումը նախագահական նստավայրի վրա։ Ռուսաստանի պատասխան հարվածի նպատակներն ու ժամկետները արդեն որոշվել են։

Արտգործնախարարը նաև նշել է, որ Ռուսաստանի բանակցային դիրքորոշումը կվերանայվի նստավայրի վրա հարձակման լույսի ներքո։