Մակրոնը գիտի, թե ինչպես կազմակերպել իր զրույցը Պուտինի հետ. ՌԴ ԱԳՆ
Ֆրանսիայի նախագահ Էմանուել Մակրոնը գիտի, թե ինչպես կազմակերպել զրույց իր ռուս գործընկեր Վլադիմիր Պուտինի հետ։ Այս մասին հայտարարել է Ռուսաստանի փոխարտգործնախարար Սերգեյ Ռյաբկովը «Ռոսիա 1» հեռուստաալիքով հեռարձակվող «60 րոպե» հաղորդման հետ հարցազրույցի ժամանակ։
«Եթե Մակրոնն ունի ասելիք, և դա իսկապես ազդանշան է, նա և նրա օգնականները գիտեն, թե ինչպես փոխանցել այն և ինչպես կազմակերպել նման զրույց Պուտինի հետ», - նշել է դիվանագետը։
