Մայր Աթոռը զրկվեց պետության հողամասերը սեփականության իրավունքով անհատույց օգտագործելու իրավունքից

ՀՀ կառավարության տարեվերջյան նիստում որոշում է ընդունվել, ըստ որի Մայր Աթոռը այլևս չի կարող պետական և համայնքային սեփականության հողամասերը տնօրինել անհատույց սեփականության իրավունքով։ Այսուհետ այդ հողերը Մայր Աթոռին կարող են տրամադրվել միայն անհատույց օգտագործման իրավունքով։

Կառավարությունն առաջարկել էր փոփոխություններ կատարել Հողային օրենսգրքում՝ նախատեսելով, որ համայնքային և պետական հողերը եկեղեցիների շինարարության և սպասարկման նպատակով Մայր Աթոռին տրամադրվեն ոչ թե անհատույց սեփականության իրավունքով, այլ միայն անհատույց օգտագործման իրավունքով։ Համապատասխան նախագիծը ներառված էր կառավարության այսօրվա նիստի օրակարգում։