Անկարան չի լռելու և չի հրաժարվելու իր դիրքորոշումից․ Էրդողան
Թուրքիան Գազային առանց աջակցության չի թողնի։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ հանդես գալով հրապարակային ելույթով։
Նրա խոսքով՝ Անկարան չի լռելու և չի հրաժարվելու իր դիրքորոշումից՝ կապված Գազայի շուրջ տեղի ունեցող զարգացումների հետ։
«Նույնիսկ հրադադարի պայմաններում խնդիրները շարունակվում են այն համայնքներում, որոնք Իսրայելը վերածել է ավերակների։ Ցուրտ եղանակի և անձրևների սկսվելուն պես Գազայի ժողովրդի բեռն էլ ավելի ծանրացավ: Ըստ համաձայնագրի՝ օրական 600 բեռնատար պետք է մտներ Գազա։ Իսրայելը մշտապես դժվարություններ ու խոչընդոտներ է ստեղծում այս հարցում»,- ասել է Թուրքիայի նախագահ Ռեջեփ Թայիփ Էրդողանը։
Միևնույն ժամանակ, հայտարարության մեջ կոնկրետ քայլերի կամ նոր նախաձեռնությունների մասին մանրամասներ չեն ներկայացվել։ Էրդողանը սահմանափակվել է ընդհանուր դիրքորոշման վերահաստատմամբ։
