Պուտինն առանձին կհանդիպի Նիկոլ Փաշինյանի և Իլհամ Ալիևի հետ․ Պեսկով
ՌԴ նախագահ Վլադիմիր Պուտինը առանձին, ոչ պաշտոնական հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այդ մասին հայտնել է ՌԴ նախագահի մամուլի քարտուղար Դմիտրի Պեսկովը։
Նշվում է, որ հանդիպումները կկայանան այս օրերին Սանկտ Պետերբուրգում անցկացվող ԱՊՀ երկրների ղեկավարների ավանդական հանդիպման շրջանակներում։
«Նման ոչ պաշտոնական շփման օրերը միշտ ուղեկցվում են առանձին ոչ պաշտոնական երկկողմ շփումներով։ Ահա թե ինչ արժեք ունի այս ձևաչափը», - լրագրողներին ասել է Պեսկովը։
