Կիևը 90 միլիարդ եվրոն կվերադարձնի միայն այն դեպքում, երբ Ռուսաստանը վճարի համապատասխան փոխհատուցումը․ Զելենսկի
Ուկրաինայի նախագահ Վլադիմիր Զելենսկին հայտնել է, որ Կիևը 2026–2027 թվականների համար նախատեսված Եվրամիության 90 միլիարդ եվրո վարկը կվերադարձնի միայն այն դեպքում, եթե Ռուսաստանը վճարի համապատասխան փոխհատուցումը։ Այս մասին նա հայտարարել է Կիևում Պորտուգալիայի վարչապետ Լուիշ Մոնտենեգրոյի հետ համատեղ մամուլի ասուլիսի ընթացքում։
«Մենք ստացել ենք 90 միլիարդ եվրո 2026-2027 թվականների համար։ Եվ դուք գիտեք, որ մենք ակնկալում ենք օգտագործել ռուսական բոլոր 210 միլիարդ եվրո ակտիվները։
Ուստի Կիևը կվերադարձնի այդ 90 միլիարդ եվրո անտոկոս վարկերը միայն այն դեպքում, երբ Ռուսաստանը վճարի համապատասխան փոխհատուցումը Ուկրաինային»,- նշել է Ուկրաինայի նախագահ Վլադիմիր Զելենսկին։
