Թուրքիայում քննարկում են Ադրբեջանի բենզինի վաճառքը Հայաստանին
Թուրքական մամուլում և սոցիալական ցանցերում լայն արձագանք է գտել Հայաստանի կողմից ադրբեջանական բենզին գնելու մասին լուրը։ Թուրքական մի շարք լրատվամիջոցներ և օգտատերեր այս քայլը որակել են որպես Ադրբեջանի կողմից «մարդասիրական» նախաձեռնություն՝ ուղղված Հայաստանին։
Մասնավորապես, Թուրքիայի հայտնի կայքերից մեկը նշել է, որ այս քայլը կարող է դիտարկվել որպես Ադրբեջանի բարի կամքի դրսևորում տարածաշրջանում ձևավորվող նոր իրողությունների պայմաններում։
Միևնույն ժամանակ ընդգծվում է, որ գործարքն ունի բացառապես առևտրային բնույթ։ Ադրբեջանի նավթային պետական ընկերությունը՝ SOCAR-ը, Հայաստան է ուղարկել 22 վագոն բենզին, որը վաճառվել է միջազգային շուկայական գներով։
