ՀՀ-ի և Ադրբեջանի միջև հաստատված խաղաղությունն է, որ քաղաքական պայմաններ է ստեղծել. Փաշինյան

Վարչապետ Նիկոլ Փաշինյանն անդրադարձել է Ադրբեջանից Հայաստան նավթամթերք տեղափոխելուն և ողջունել տեղի ունեցողը․

«Այո՛, ես էլ տեսա, որ Ադրբեջանի արտադրության նավթամթերքով շարժակազմը շարժվել է և գալիս է Հայաստան։ Ողջունում եմ այդ զարգացումը»,-նշել է վարչապետը։

Նիկոլ Փաշինյանի խոսքով՝ առևտուրը տեղի է ունենում մասնավոր ընկերությունների միջև, բայց ՀՀ-ի և Ադրբեջանի միջև հաստատված խաղաղությունն է, որ քաղաքական պայմաններ է ստեղծել դրա համար։

«Շատ մանրամասների չեմ տիրապետում, բայց գիտեմ, որ մեկ գնացք է գալիս»,- շեշտել է նա։

Նրա խոսքով՝ վրացական երկաթուղու սակագնի հետ կապված որոշակի հարցեր կան, սակայն դրանք կկարգավորվեն, իսկ եթե չկարգավորվեն, ու տնտեսվարողներին շարունակի հետաքրքիր լինել, այլընտրանքային ձևեր կփնտրեն ներմուծումն ու արտահանումը կազմակերպելու համար։