Չկան թշնամիներ ու բարեկամներ, կան ուղղակի միջազգային հարաբերություններ. Փաշինյան
Դիվանագիտական դասագրքային ճշմարտությունն ասում է՝ չկան մշտական բարեկամներ ու թշնամիներ, կան մշտական շահեր, կառավարության այսօրվա նիստում հայտարարեց Նիկոլ Փաշինյանը։
«Իմ համոզմունք այն է, որ դա իրականում ճշմարտությունը թաքցնելուն ուղղված արտահայտություն է, որովհետև, իմ ընկալմամբ, չկան թշնամիներ ու բարեկամներ, կան ուղղակի միջազգային հարաբերություններ»,- նշեց նա։
Ըստ Փաշինյանի՝ պետությունն այն պահին է հասունանում, երբ հասկանում է, որ չկան բարեկամներ ու թշնամիներ։
«Երբ ասում ես, որ չկան բարեկամներ ու թնաշմիներ, դու կենտրոնանում ես ինքդ քո ու քո անելիքի ու քո որոշումների վրա, իսկ երբ այլ տրամաբանությամբ ես մտածում, անընդհատ մտածում ես, թե ոնց անեմ, որ էս մեկը էն որոշումը կայացնի, մյուսը՝ էն մեկը ու դու ընկնում ես մի թակարդի մեջ, որտեղ քեզ որպես խաղաքարտ են օգտագործում՝ էն մեկն իր համար, էն մեկն իր համար ու բոլորն իրենց համար ու միակը, որ դու քեզ չես օգտագործում, դու ես»,- նշեց նա։
«Մենք հիմա պետության տրամաբանության մեջ ենք»,- ասել է Փաշինյանը:
