Ամերիկացի հայտնի ռեժիսորի որդուն մեղադրանք կառաջադրվի՝ ծնողների սպանության համար
Ամերիկացի ռեժիսոր և դերասան Ռոբ Ռեյների որդու՝ Նիկ Ռեյների նկատմամբ կառաջադրվի կանխամտածված սպանության մեղադրանք։ Այս մասին մամուլի ասուլիսում հայտնել է Լոս Անջելեսի շրջանային դատախազ Նաթան Հոքմանը։
«Մեր գրասենյակը մեղադրանքներ կառաջադրի Նիք Ռեյների դեմ։ Նա մեղադրվում է իր ծնողների սպանության մեջ։ Նա մեղադրվում է առաջին աստիճանի սպանության երկու դրվագով», - ասել է նա։
Նրա խոսքով՝ եթե Նիք Ռեյները մեղավոր ճանաչվի, նրան կարող է սպառնալ «ցմահ ազատազրկում՝ առանց պայմանական վաղաժամկետ ազատման կամ մահապատժի հնարավորության»։
Հիշեցնենք՝ ավելի վաղ հայտնել էինք, որ Ամերիկացի հայտնի ռեժիսորի և նրա կնոջ սպանության մեղադրանքով ձերբակալվել է իրենց որդին։
Հավելենք՝ Ռեյները նկարահանել է շուրջ երեք տասնյակ ֆիլմ, այդ թվում՝ «Երբ Հարրին հանդիպեց Սալիին» (1989), «Մի քանի լավ մարդիկ» (1992), «Ամերիկացի նախագահը» (1995), «Անհրաժեշտությունների ցանկը» (2007), ինչպես նաև երկրորդական դեր է կատարել «Ուոլ Սթրիթի գայլը» (2013) ֆիլմում։
