ԵՄ-ն չի ընդունում ԱՄՆ-ի կողմից ինքնիշխանության սկզբունքի խախտումը, բայց ինքն էլ նույն բանն է արել Վրաստանում․ Կոբախիձե
ԵՄ-ն չի ընդունում ԱՄՆ-ի կողմից ինքնիշխանության խախտումը, բայց ինքն էլ նույն բանն է արել, այս մասին ասել է Վրաստանի վարչապետ Իրակլի Կոբախիձեն։
«ԱՄՆ ներկայիս վարչակազմը գնահատում է Եվրոպայում տեղի ունեցող գործընթացները ճիշտ այնպես, ինչպես մենք՝ անցյալ տարիներին։ Եվրոպական բյուրոկրատիային սա դուր չի գալիս։ Նրանք հիմա հիշեցրել են ինքնիշխանության սկզբունքը, այն սկզբունքը, որ օտարերկրյա միջամտությունը ուրիշների ներքին գործերին արգելվում է, չնայած եվրոպական բյուրոկրատիան ամեն օր խախտել է ինքնիշխանության սկզբունքը Վրաստանում։
Այստեղ ակնհայտ են երկակի չափանիշները։ ԱՄՆ վարչակազմը ճշգրիտ գնահատում է Եվրամիությունում տեղի ունեցող գործընթացները, և մեր գնահատականը նույնն է եղել վերջին մի քանի տարիների ընթացքում»,- լրագրողներին ասել է Վրաստանի վարչապետը։
