Կալլասը Թրամփի հայտարարությունները սադրանք է որակել
ԵՄ-ի գլխավոր դիվանագետ Կայա Կալլասը Եվրախորհրդարանի արտաքին գործերի հանձնաժողովի լսումների ժամանակ նշել է, որ ամերիկյան քննադատությունը «գուցե պետք է ուղղված լինի Ռուսաստանին», հաղորդում է The Guardian-ը։
Նա նաև ընդգծել է, որ ԵՄ-ն պետք է ավելի վճռական լինի՝ ընդունելով, որ քննադատությունը չի համապատասխանում իրականությանը։
«Կարծում եմ՝ սա արվում է մեզ սադրելու նպատակով, ուստի մենք կարձագանքենք: Մենք գիտենք, որ ծիծաղելի է, ճիշտ չէ այն, ինչ նրանք ասում են Եվրամիության մասին», - ասել է Կալլասը։
Ավելի վաղ Եվրոպական հանձնաժողովը X-ին տուգանել էր 120 միլիոն եվրոյով՝ եվրոպական թվային ծառայությունների մասին օրենքը խախտելու համար։ Դրանից հետո ԱՄՆ նախագահը հայտարարել էր, որ Եվրոպան շարժվում է շատ վատ ուղղությամբ։
