Ուկրաինայի ՆԱՏՕ-ին անդամակցության հեռանկարը երբեք լուրջ չի քննարկվել. Թրամփ
Politico-ին տված հարցազրույցում ԱՄՆ նախագահ Դոնալդ Թրամփը հայտարարել է, որ Ուկրաինայի ՆԱՏՕ-ին անդամակցության հեռանկարը «երբեք լուրջ չի քննարկվել», և սա, նրա պնդմամբ, հայտնի էր դեռևս Պուտինից շատ առաջ։
«Միշտ էլ հասկացվել է. Ուկրաինան չի միանա ՆԱՏՕ-ին։ Անկեղծ ասած՝ դեռևս Պուտինից շատ առաջ։ Եվ հիմա նրանք պնդում են։ Երբ Զելենսկին առաջին անգամ հանդիպեց Պուտինի հետ, նա ասաց. «Ես ուզում եմ երկու բան՝ Ղրիմի վերադարձ և ՆԱՏՕ-ին անդամակցություն»։ Եվ նա դա շատ բարյացակամորեն չասաց։ Նա հիանալի վաճառող է», - նշել է ԱՄՆ նախագահը։
Հիշեցնենք, որ Թրամփի խաղաղության ծրագիրը կոչ է անում Կիևին հրաժարվել ՆԱՏՕ-ին անդամակցությունից, բայց Ուկրաինան այս կետը անընդունելի է համարում։
