Մակրոնը Չինաստանին սպառնում է մաքսատուրքերով. մանրամասներ

Եվրամիությունը կարող է քննարկել չինական ապրանքների վրա մաքսատուրքեր սահմանելու հարցը, եթե Պեկինը չկարողանա լուծել ԵՄ-ի և Չինաստանի միջև առևտրային դեֆիցիտը, հայտարարել է Ֆրանսիայի նախագահ Էմանուել Մակրոնը։

«Ես նրանց ասացի, որ եթե նրանք չարձագանքեն, մենք՝ եվրոպացիներս, ստիպված կլինենք առաջիկա ամիսներին կոշտ միջոցներ ձեռնարկել և խզել համագործակցությունը՝ հետևելով, օրինակ, Միացյալ Նահանգների օրինակին՝ չինական ապրանքների վրա մաքսատուրքեր սահմանելով»,- ասել է Մակրոնը։

Նրա խոսքով՝ արդեն քննարկել է նման մաքսատուրքերի հնարավոր սահմանումը Եվրահանձնաժողովի նախագահ Ուրսուլա ֆոն դեր Լեյենի հետ։ Միևնույն ժամանակ, Մակրոնն ընդգծել է, որ այս հարցում միասնական եվրոպական ճակատ ձևավորելը դժվար կլինի։ Գերմանիան կարող է դեմ լինել այդ քայլին՝ հաշվի առնելով գերմանական խմբերի զգալի ներկայությունը Չինաստանում։ Ֆրանսիայի նախագահը հույս ունի տարաձայնությունների խաղաղ կարգավորման։