Ատեստացիոն համակարգը ստեղծում է անհավասար պայմաններ զինված ուժերում. Սեյրան Օհանյան
Ազգային ժողովում «Հայաստան» խմբակցության ղեկավար, ինչպես նաև ՀՀ պաշտպանության նախկին նախարար Սեյրան Օհանյանը նշել է, որ ատեստացիոն համակարգը ստեղծում է անհավասար պայմաններ զինված ուժերում։
Նրա խոսքով՝ հրամանատարները բարձր աշխատավարձ են ստանում, ինչը ընդունելի է, սակայն անհրաժեշտ է ապահովել, որ բարձր աշխատավարձ ստանան նաև զորքերը, հատկապես նրանք, ովքեր ծառայում են սահմանում։
Օհանյանը ընդգծել է, որ ուժային տարբեր կառույցներում վճարումները բարձրացվել են առանց լրացուցիչ պայմանների, մինչդեռ բանակում սահմանում ծառայող զինծառայողին առաջարկվում է անցնել քննություններ՝ հավելյալ վճարումների համար։ Նրա խոսքով՝ այդ քննությունները վերաբերում են հրամանատարական պատրաստությանը։
