Մենք այժմ ավելի մոտ ենք խաղաղությանը, քան երբևէ․ Զելենսկի
Ուկրաինայի նախագահ Վլադիմիր Զելենսկին հայտարարել է, որ երկիրը «ավելի մոտ է խաղաղությանը, քան երբևէ»՝ ընդգծելով վերջին շաբաթների ընթացքում իրականացվող դիվանագիտական ակտիվ գործունեությունը։
Զելենսկու խոսքով՝ Կիևի գործընկերները շարունակում են աջակցել խաղաղ կարգավորման ճանապարհային քարտեզին, ինչը մեծացնում է երկարաժամկետ կայունության հասնելու հավանականությունը։
Նա նշել է, որ Ուկրաինան ակտիվ կապի մեջ է մի շարք եվրոպական և միջազգային կառույցների հետ, որոնք պատրաստակամ են աջակցել ինչպես անվտանգության, այնպես էլ տնտեսական վերականգնման գործընթացներին։
«Մեր նպատակն է ուժեղացնել դիվանագիտական ճակատը, որպեսզի պատերազմի ավարտը դառնա իրական ու կայուն արդյունք»,– ասել է նա։
