ՏԵՍԱՆՅՈՒԹ. «Երևան Սիթի»-ի 39 մասնաճյուղում հայտնաբերվել է 50 խախտում

Հուլիսի 21-ին Երևանի քաղաքապետարանի հասարակական կարգի պահպանության ծառայությունը ստուգայցեր է իրականացրել մայրաքաղաքում գործող «Երևան Սիթի» ցանցի 39 առևտրային օբյեկտներում։

Ստուգումների արդյունքում արձանագրվել է 50 վարչական իրավախախտում։ Դրանցից 39-ը վերաբերում են ժամկետանց ապրանքների վաճառքին, 6-ը՝ մինչև 50 միկրոն հաստությամբ պոլիէթիլենային պարկերի վաճառքին։

Բացի այդ, արձանագրվել է Կառավարության պահանջները չպահպանելու 1 դեպք, առանց համապատասխան թույլտվության ոգելից և ալկոհոլային խմիչքների վաճառքի 3 դեպք, ինչպես նաև առանց թույլտվության հանրային սննդի կազմակերպման 1 դեպք։

Քաղաքապետարանից հայտնում են, որ նման ստուգայցերը շարունակական են լինելու։