Աֆղանստանը հարձակվել է Տաջիկստանի վրա. կա 5 զոհ
Աֆղանստանի կողմից իրականացված երկու հարձակման հետևանքով Տաջիկստանում նախորդ շաբաթ զոհվել է 5 և վիրավորվել ևս 5 մարդ։
Դեկտեմբերի 1-ին Տաջիկստանի նախագահ Էմոմալի Ռահմոնը աշխատանքային հանդիպում է անցկացրել երկրի իրավապահ մարմինների ղեկավարների հետ։ Քննարկվել է Տաջիկստանի և Աֆղանստանի միջև պետական սահմանին տիրող իրավիճակը, նաև սահմանային անվտանգությունն ապահովելու և պաշտպանությունն ուժեղացնելու ուղիները։
Էմոմալի Ռահմոնը խստորեն դատապարտել է Աֆղանստանի քաղաքացիների անօրինական և սադրիչ գործողությունները՝ հանձնարարելով պատասխանատու պաշտոնյաներին ձեռնարկել արդյունավետ քայլեր խնդիրը լուծելու և նմանատիպ միջադեպերի կրկնությունը կանխելու համար։
