Ուրասար և Կաթնաղբյուր բնակավայրերի միջակայքում բռնկված հրդեհը մեկուսացվել է․ մանրամասներ
Նոյեմբերի 29-ին, ժամը 18։59-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ուրասար և Կաթնաղբյուր բնակավայրերի միջակայքում նկատվել է ծուխ։ Այս մասին տեղեկանում ենք ՆԳՆ փրկարար ծառայության տարածած հաղորդագրությունից։
Նշվում է, որ դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատներից երկու մարտական հաշվարկ և երկու օպրատիվ խումբ։
Պարզվել է, որ այրվում է խոտածածկ տարածք։
Նոյեմբերի 30-ին հրդեհաշիջման աշխատանքներին ներգրավված են մեծ թվով փրկարար ուժեր, էկոպարեկեր, «Լոռէ» փրկարարական ջոկատի կամավորներ և բնակիչներ։
Հրդեհը մեկուսացվել է ժամը 19։30-ին։
Նշվում է, որ դեպքի վերաբերյալ կտրվի լրացուցիչ տեղեկատվություն:
