«Կգնամ». Նարեկ Կարապետյանը Սուրբ Սարգիս եկեղեցում կմասնակցի պատարագին
«Մեր ձևով» շարժման ղեկավար Նարեկ Կարապետյանը ֆեյսբուքում գրառմամբ տեղեկացրել է, որ պատրաստվում է գնալ Երևանի Սուրբ Սարգիս եկեղեցի և մասնակցել պատարագի:
Նա մասնավորապես գրել է, որ 2 օր առաջ վարչապետը հայտարարել է, որ պատարագի է մասնակցելու Երևանի Սուրբ Սարգիս եկեղեցում։
Վերջին 15 տարին ամեն կիրակի ինքը մասնակցել է Սուրբ Սարգիս եկեղեցու պատարագին, և դա իրեն թույլ է տվել չտրվել ունևոր ընտանիքների շատ զավակներին հատուկ թուլություններին։
«Հարցը կայանում է հետևյալում՝ գնա՞լ պատարագի, ինչպես ամեն շաբաթ, քո սիրած եկեղեցում, որտեղ կլինեն քո հայրենիքի համար աղետաբեր մարդիկ և մի թույլ սրբազան, թե՞ չգնալ։ Պատասխանը գտա․ գնալ։ Այս եկեղեցին իմ հոգևոր առողջարանն է, և քաղաքական տուրիստների պատճառով ես չպետք է հրաժարվեմ այնտեղից։ Իհարկե, դժվար կլինի կենտրոնանալ և հաղորդվել Պատարագի խորհրդին, քանի որ այնտեղ կլինի մի մարդ, ով պատասխանատու է վերջին տարիների Հայաստանը պատած ողբի համար։ Բայց կփորձեմ»,- գրել է «Մեր ձևով» շարժման ղեկավար Նարեկ Կարապետյանը։
Հիշեցնենք` Նիկոլ Փաշինյանը ավելի վաղ հայտնել էր, որ կիրակի օրը, նոյեմբերի 30-ին Երեւանի Կենտրոն վարչական շրջանի Սուրբ Սարգիս եկեղեցում կմասնակցի սուրբ եւ անմահ պատարագի:
