Թուրքիան, Ադրբեջանը և Վրաստանը անցկացրել են «Կովկասյան արծիվ – 2025» զորավարժությունը
Թուրքիան, Ադրբեջանը և Վրաստանը Անկարայում անցկացրել են համատեղ մարտավարական-հատուկ զորավարժություն։ «Կովկասյան արծիվ – 2025» անվանումը կրող վարժանքին մասնակցել են երեք երկրների հատուկ նշանակության ստորաբաժանումները։
Հաղորդագրության մեջ նշվում է, որ զորավարժության հիմնական նպատակը տարածաշրջանի անվտանգության և պաշտպանության ոլորտում գործակցության ամրապնդումն է երեք պետությունների միջև։
Միջոցառումն ուղղված է եղել ստորաբաժանումների գործակցության, արագ արձագանքման, համակարգման և մարտական պատրաստության կարողությունների ընդլայնմանը։ Վարժանքների ընթացքում հատուկջոկատայինները կատարել են առաջադրանքներ հրթիռահրետանային և ավիացիոն ուժերի հետ համատեղ։
