Ֆրանսիայի պաշտպանության նախարարությունը հայտարարել է, որ տեղեկությունները, թե Ֆրանսիան պատրաստվում է ռազմական կոնտինգենտ ուղարկել Ուկրաինա, իրականությանը չեն համապատասխանում։

X սոցիալական ցանցում Ֆրանսիայի պաշտպանության նախարարության պաշտոնական էջն այս հաղորդագրություններն անվանում է ապատեղեկատվություն։

Ավելի վաղ ՌԴ Արտաքին հետախուզության ծառայության տնօրեն Սերգեյ Նարիշկինը հայտնել էր, որ ծառայության տվյալներով՝ Ֆրանսիան պատրաստում է զինվորականներ Ուկրաինա ուղարկելու համար, նախնական փուլում կոնտինգենտի թիվը կարող է կազմել մոտ 2000 մարդ։