Զելենսկին՝ Ռուսաստանում տեղի ունեցող իրադարձությունների մասին
«Յուրաքանչյուր ոք, ով ընտրում է չարի ճանապարհը, կործանում է իրեն: Նա նվաստացնում է մարդկանց և հարյուր հազարավորների նետում պատերազմի մեջ, որպեսզի վերջապես բարիկադավորվի Մոսկվայի մարզում նրանցից, ում ինքը զինել է։ Ռուսաստանը վաղուց քողարկել է իր թուլությունն ու իր կառավարման հիմարությունը քարոզչությամբ։ Իսկ հիմա արդեն այնքան քաոս է տիրում, որ ոչ մի սուտ չի կարող դա թաքցնել։ Ռուսաստանի թուլությունն ակնհայտ է. ամբողջական թուլություն: Եվ որքան երկար Ռուսաստանն իր զորքերն ու վարձկաններին պահի մեր հողում, այնքան ավելի շատ քաոս, ցավ ու խնդիրներ կունենա իր համար»,- ասել է Զելենսկին։
Հիշեցնենք՝ Վագներ» ռազմական խմբավորումը վերահսկողություն է հաստատել Դոնի Ռոստովում: Ռոստովի ռազմական շտաբում ՌԴ ԶՈւ ՊՆ փոխնախարար Եվկուրովի ու ԳՇ պետի տեղակալ Ալեկսեևի հետ զրուցելիս Պրիգոժինը պահանջել է Շոյգույին ու Գերասիմովին` հակառակ պարագայում խոստանալով շարժվել Մոսկվա։
