Արգենտինան առաջադրել է Ռաֆայել Գրոսիին ՄԱԿ-ի գլխավոր քարտուղարի պաշտոնում
Արգենտինայի արտաքին գործերի նախարարությունը հայտնել է, որ երկիրը ՄԱԿ-ի գլխավոր քարտուղարի պաշտոնում պաշտոնապես առաջադրել է ԱԷՄԳ-ի գործող ղեկավար Ռաֆայել Գրոսիին, փոխանցում է «Ռիա Նովոստին»։ Գրոսին այս պաշտոնի իր թեկնածությունն առաջադրելու մասին հայտարարել էր ավելի վաղ։
Արգենտինայի ԱԳՆ-ն ընդգծել է նրա ավելի քան չորս տասնամյակ տևած դիվանագիտական կարիերան՝ նշելով, որ նրա հիմնական ձեռքբերումները միտված են եղել միջազգային խաղաղության և անվտանգության խթանմանը՝ բաց և արդյունավետ կառավարման միջոցով։
Հայտարարության մեջ նշվում է, որ բազմակողմ համակարգին Գրոսիի խորը իմացությունը, դիվանագիտական երկխոսությունը խթանելու ունակությունը, հակամարտությունների և միջազգային ճգնաժամերի ընթացքում նրա արդյունավետ գործունեությունը, ինչպես նաև ՄԱԿ-ի կանոնադրության նկատմամբ նվիրվածությունը նրան դարձնում են նշանակալի թեկնածու՝ գլխավոր քարտուղարի ներկայում պահանջված պարտականությունները կատարելու համար։
