Սիմոնյանը պատրաստակամություն է հայտնել հարմար պահին մեկնել Ադրբեջան
ԱԺ նախագահ Ալեն Սիմոնյանը ԱԺ-ում ճեպազրույցի ժամանակ նշել է, որ պատրաստ է հարմար պահին մեկնել Ադրբեջան և որևէ ձևաչափով հրավիրել իր գործընկերոջը՝ Սահիբա Գաֆարովային, Հայաստան։
Հարցին, թե ստացել է արդյոք Ադրբեջանի այցի հրավեր, Սիմոնյանը պատասխանել է, որ նման հրավեր չի եղել, սակայն դրա դեպքում պատրաստ է քննարկել այն։ Լրագրողի այն հարցին, թե նորմալ է համարում Ադրբեջան այցելելը, երբ այնտեղ դեռ պահվում են հայ գերիներ, Սիմոնյանը արձագանքել է․ «Իսկ քննարկել ասելով՝ ես ի՞նչ նկատի ունեմ»։
Նա նաև հայտնել է, որ 2026 թվականի մայիսին Երևանում նախատեսված Եվրոպական քաղաքական համայնքի գագաթնաժողովին Ադրբեջանի չմասնակցելը կապված չէ Հայաստանի հետ։ Սիմոնյանի խոսքով՝ ադրբեջանական կողմը հայտնել է, որ դա պայմանավորված է նրանց հարաբերություններով Եվրամիության հետ, և Գաֆարովան խնդրել է փոխանցել նախագահի անունից, որ այդ որոշումն որևէ կապ չունի հայկական կողմի հետ։
ԱԺ նախագահը հիշեցրել է, որ ավելի վաղ նշել էր՝ հնարավոր է համարում Հայաստանի և Ադրբեջանի բարձրաստիճան պաշտոնյաների փոխայցելությունները Երևան և Բաքու, սակայն մինչ այդ անհրաժեշտ է լուծել Ադրբեջանում պահվող հայազգի անձանց խնդիրը։
