ԵՄ-ն դա չի կարող թույլ տալ. Ուրսուլա ֆոն դեր Լեյենը կներկայացնի ՌԴ ակտիվների օգտագործման իրավական տեքստը
Եվրոպական հանձնաժողովի նախագահ Ուրսուլա ֆոն դեր Լեյենը հայտնել է, որ Եվրահանձնաժողովը մոտ օրերում պատրաստվում է ներկայացնել Բելգիայում սառեցված ռուսական ակտիվների առգրավման և օգտագործման վերաբերյալ իրավական մեխանիզմի նախագիծ։ Ֆոն դեր Լեյենի հայտարարությունը հնչել է Ստրասբուրգում՝ Եվրախորհրդարանի նիստի ընթացքում: Հայտնում է «ТАСС»-ը։
«Եվրահանձնաժողովը պատրաստ է ներկայացնել ռուսական ակտիվների օգտագործման վերաբերյալ իրավական տեքստ»,– ասել է նա՝ շեշտելով, որ ԵՄ-ն չի կարող թույլ տալ, որ Ուկրաինայի վերականգնման բեռը դրվի բացառապես եվրոպացի հարկատուների վրա։
Նա ընդգծել է, որ մնում է վերջնական լուծում գտնել, որը կլուծի իրավական ու ֆինանսական ռիսկերը և կապահովի ընդհանուր եվրոպական մոտեցում։
