Ռուբիոն հրաժարվում է հանդիպել Կայա Կալլասի հետ

ԱՄՆ պետքարտուղար Մարկո Ռուբիոն հրաժարվում է պաշտոնական հանդիպումներ ունենալ Եվրամիության դիվանագիտության ղեկավար Կայա Կալլասի հետ՝ Թրամփի վարչակազմի հետ նրա բարդ հարաբերությունների պատճառով, հաղորդում է Politico-ն։

Նոյեմբերի վերջին Կալլասը հայտարարել է, որ բանակցություններում զիջումները պետք է լինեն միայն Ռուսաստանից։

Ավելին, նա հայտարարել է, որ Եվրոպան ունի «հստակ ծրագիր» Ուկրաինայի համար՝ ԱՄՆ նախագահ Դոնալդ Թրամփի կողմից հակամարտության կարգավորման նոր առաջարկների ֆոնին։

Նոյեմբերի 23-ին Ժնևում կայացած մամուլի ասուլիսում ելույթ ունենալով՝ ԱՄՆ պետքարտուղար Մարկո Ռուբիոն հայտարարել է, որ Եվրամիության և ՆԱՏՕ-ի մասնակցությունը ուկրաինական ճգնաժամի կարգավորման գործընթացին դեռևս քննարկման առարկա է։ Ռուբիոն ընդգծել է, որ կան անհամաձայնություններ, մասնավորապես՝ ռուսական ակտիվների ճակատագրի և ԵՄ-ի ու ՆԱՏՕ-ի դերի վերաբերյալ ապագա խաղաղության բանակցություններում։ Նա հավելել է, որ այս վիճելի հարցերը կքննարկվեն եվրոպական ազգային անվտանգության խորհրդատուների հետ համատեղ։