Մոսկվան չի ստացել թարմացված խաղաղության ծրագիրը․ Պեսկով
Կրեմլը ուշադրությամբ հետևում է Աբու Դաբիում Ռուսաստանի և ԱՄՆ ներկայացուցիչների հնարավոր հանդիպման մասին տարածվող հաղորդագրություններին։ Այս մասին հայտարարել է Կրեմլի ներկայացուցիչ Դմիտրի Պեսկովը։
Պեսկովը նշել է, որ նրանք հետևում են հանդիպման վերաբերյալ ստացվող տեղեկություններին, սակայն այս փուլում որևէ նորություն չկա։ Նա ընդգծել է, որ Ռուսաստանը Ուկրաինայի վերաբերյալ ամերիկյան ծրագիրը համարում է էական։
Նա հավելել է, որ ԱՄՆ-ն ու Ուկրաինան աշխատում են Թրամփի խաղաղության ծրագրի նախագծի վրա, և այդ նախագիծը ներկայացվել է ռուսական կողմին։ Նրա գնահատմամբ՝ ծրագիրը մեծապես համապատասխանում է Անքորիջի գագաթնաժողովի ոգուն։
Պաշտոնյան նշել է նաև, որ Մոսկվան դեռևս չի ստացել Ուկրաինայի համար նախատեսված 19 կետանոց թարմացված խաղաղության ծրագիրը։
