Խաչիկ գյուղի պատարագից առաջ հանդիպել եմ Վեհափառին․ Աբրահամ Սրբազան
Խաչիկ գյուղի պատարագից առաջ հանդիպել եմ Վեհափառին, ասել է՝ պարտավոր ես և պետք է ներկա լինես թեմի բոլոր պատարագներին, որ միջամտություն չլինի, նորմալ ընթանա։ Այս մասին լրագրողների հետ զրույցում հայտնել է Վայոց ձորի թեմի առաջնորդ Աբրահամ արքեպիսկոպոս Մկրտչյանը։
«Ես ուրախ եմ, որ այդ պատարագը եղել է և ներկա են եղել և վարչապետ, և շատ մարդիկ։ Այդտեղ որևէ արտառոց բան չեմ տեսնում»,- նշել է Աբրահամ Սրբազանը։
Աբրահամ Սրբազանը չի տեսնում, որ եկեղեցին բաժանվել է երկու թևի:
Սրբազանն ասաց, թե ինքը Տեր Հովհաննեսին չի ասել, որ Նիկոլ Փաշինյանի մասնակցությամբ պատարագի ժամանակ զեղչի Վեհափառ Հայրապետի անունը։
«Դա այն եզակի պատարագներից էր, որ ես ընդամենը աղոթում էի մեր երկրի ու ժողովրդի համար»,- նշել է Սրբազան Հայրը։
