Պայթյուն Բաքվի բիզնես կենտրոնում․ կան տուժածներ
Բաքվի Նարիմանովի շրջանի բիզնես կենտրոններից մեկում պայթյուն է տեղի ունեցել, հայտնում է ադրբեջանական APPA գործակալությունը։ Ըստ նախնական տեղեկությունների՝ դեպքի հետևանքով տուժել է առնվազն 7 մարդ։
Պայթյունի պատճառների մասին այս պահին որևէ տեղեկություն չի հաղորդվում։ Դեպքի վայրում աշխատում են շտապօգնության և համապատասխան ծառայությունների աշխատակիցները։ Նախնական տվյալներով իրականացվում են հետաքննություն և վտանգի չափերի գնահատում։
Տուժածների վիճակի մասին, ինչպես նաև վնասների չափի վերաբերյալ հավելյալ տեղեկատվություն ճշտվում է։
